नेपाल सरकार
कृषि तथा पशुपन्छी विकास मन्त्रालय
खाद्य प्रविधि तथा गुण नियन्त्रण विभाग
बबर महल, काठमाडौँ
२०८२ भदौ २४ गते
सोधिरहने प्रश्नहरू
- गृह पृष्ठ
- सोधिरहने प्रश्नहरू
विभागको LIMS प्रणालीमा कसरी रजिष्टर गर्न सकिन्छ?
पहिलो पटक http://lims.dftqc.gov.np/register लिंक राखि खुल्ने वेवपेजमा आफ्नो विवरण भर्नुहोस् । त्यसपछी विभागबाट तपाईंको विवरण verify गरेपछी तपाईले उक्त प्रणाली प्रयोग गर्न सक्नु हुनेछ । रजिष्टर भएपछि तपाईंले http://lims.dftqc.gov.np लिंक राखि खुल्ने वेवपेजमा आफ्नो प्रयोगकर्ता नाम र पासवर्ड राखि लगईन गर्नु होस् र उक्त प्रणाली प्रयोग गर्नुहोस् ।
खाद्य उद्योग दर्ताको लागी सिफारिस लिन के कस्ता कागजात आवश्यक पर्दछन ? साथै राजस्व कति लाग्दछ ?
- रु.१०(दश) को हुलाक टिकट टाँस गरेको निवेदन,
- उद्योग दर्ता गर्ने कार्यालयले पठाएको पत्र,
- खाद्य उद्योग स्थापना गर्न चाहाने व्यक्तिको नागरिकताको प्रतिलिपि, र
- खाद्य उद्योगमा उत्पादन गर्न अपनाइने प्राविधिक योजना पेश गर्नुपर्छ; र सो योजनामा तोकिएको खाद्य बस्तु उत्पादन गर्न आवश्यक कच्चा पदार्थको स्रोत र किसिम, मेसिनरीहरुको विवरण, सरसफाइको व्यवस्था, उत्पादन बिधि, प्राविधिक जनशक्तिको व्यवस्था तथा गुण नियन्त्रणको लागी आवश्यक अन्य कुराहरु खुलाएको हुनुपर्नेछ ।
- उद्योग सिफारिको राजस्व रु २०० लाग्छ ।
खाद्य वस्तुको लेवलमा हुनु पर्ने विवरणहरु के के हुन?
प्याक गरिएका खाद्य वस्तुको बाहिरी आवरण/प्याकेटमा विवरण हुनुपर्दछ।
- खाद्य वस्तुको नाम
- समिश्रण (मिसाइएको वस्तुहरु) को विवरण मात्रा सहित
- उद्योगको पूरा नाम र ठेगाना
- उद्योगको रजिस्ट्रेसन नम्बर
- उत्पादन मिति
- उपभोग्य मिति
- ब्याच नम्बर
- रंग र परिरक्षी प्रयोग गरेको भए अनिवार्य खुलाउनुपर्ने
- उपभोग विधि आवश्यक भए
- भण्डारण विधि आवश्यक भए
- अनुज्ञापत्र नम्बर
खाद्य प्रविधि तथा गुण नियन्त्रण विभाग कहा अवस्थित रहेको छ ?
ववरमहल काठमाण्डौ मा सिंहदरवार दक्षिण गेटको अगाडी रहेको छ । विभागको अवस्थिति गुगल म्यापमा हेर्न यहा Contact क्लिक गर्नुहोस ।